İdarə heyəti

Atamali Məmmədov 1971-ci ildə Masallı rayonunun Böyük Xocavar kəndində anadan olmuşdur. Bakı Dövlət Universitetində “Tətbiqi riyaziyyat” ixtisası üzrə ali təhsil almışdır.

İnformasiya texnologiyaları sahəsində 25 ildən artıq peşəkar təcrübəyə malikdir. Uzunillik fəaliyyəti ərzində müxtəlif şirkətlərdə ERP və digər rəqəmsal sistemlərin, eləcə də İT infrastrukturunun qurulması və idarə olunması istiqamətlərində təcrübə qazanmışdır.

2020-ci ildən etibarən Avrora Group-da Rəqəmsal Transformasiya Direktoru vəzifəsində fəaliyyət göstərən Atamali Məmmədov şirkətin rəqəmsal transformasiya proseslərinə rəhbərlik edir. Eyni zamanda, İdarə Heyətinin üzvüdür.

Anar Əsədov 1989-cu ildə Naxçıvan Muxtar Respublikasının Ordubad şəhərində anadan olmuşdur. Azərbaycan Dövlət İqtisad Universitetində “Mühasibat uçotu və audit” ixtisası üzrə bakalavr və magistr təhsilini fərqlənmə diplomu ilə başa vurmuşdur.

Maliyyə idarəçiliyi, strateji planlaşdırma və korporativ maliyyə sahələrində 15 ildən artıq peşəkar təcrübəyə malikdir. Uzunillik fəaliyyəti ərzində müxtəlif şirkətlərdə maliyyə idarəçiliyi, büdcə planlaşdırılması və maliyyə strategiyasının hazırlanması istiqamətlərində təcrübə qazanmışdır.

2019-cu ildən Avrora MMC-nin, 2025-ci ildən etibarən isə Avrora Group-un Maliyyə Direktoru vəzifəsində fəaliyyət göstərən Anar Əsədov qrupun maliyyə strategiyasının və maliyyə fəaliyyətinin idarə olunmasına rəhbərlik edir. Eyni zamanda, İdarə Heyətinin üzvüdür.

Əli İbrahimov 1987-ci ildə Bakı şəhərində anadan olmuşdur. Azərbaycan Dövlət İqtisad Universitetində “Marketinq” ixtisası üzrə ali təhsil almışdır.

Marketinq və biznesin inkişafı sahəsində 18 ildən artıq peşəkar təcrübəyə malikdir. Uzunillik fəaliyyəti ərzində marketinq strategiyalarının hazırlanması, brend və kateqoriya idarəçiliyi, kommersiya əməliyyatlarının təşkili və bazarın inkişafı istiqamətlərində təcrübə qazanmışdır.

2022-ci ildən etibarən Avrora Group-da Biznesin İnkişafı və Marketinq Direktoru vəzifəsində fəaliyyət göstərən Əli İbrahimov şirkətin biznesin inkişafı və marketinq istiqamətlərinə rəhbərlik edir. Eyni zamanda, İdarə Heyətinin üzvüdür.

Namik Həsənov 1984-cü ildə Tbilisi şəhərində anadan olmuşdur. Azərbaycan Dövlət İqtisad Universitetinin “İnformatika və idarəetmə” fakültəsində bakalavr təhsili almışdır.

Satış və kommersiya idarəçiliyi sahəsində 20 ilə yaxın peşəkar təcrübəyə malikdir. Uzunillik fəaliyyəti ərzində satış strategiyalarının hazırlanması, kommersiya əməliyyatlarının təşkili, distribusiya kanallarının inkişafı və satış komandalarının idarə olunması istiqamətlərində təcrübə qazanmışdır.

2025-ci ildən etibarən Avrora Group-da Satış direktoru vəzifəsində fəaliyyət göstərən Namik Həsənov şirkətin satış fəaliyyətinə rəhbərlik edir. Eyni zamanda, İdarə Heyətinin üzvüdür.

Rinad Əliyev 1983-cü ildə Bakı şəhərində anadan olmuşdur. Azərbaycan Texniki Universitetində Filologiya ixtisası üzrə bakalavr, “Standartlaşdırma və sertifikasiya” ixtisası üzrə magistr təhsili almış, magistr təhsilini fərqlənmə diplomu ilə başa vurmuşdur.

Satış və idxal sektorlarında 20 ildən artıq peşəkar təcrübəyə malikdir. Uzunillik fəaliyyəti ərzində satış, idxal, satınalma və təchizat istiqamətlərində, eləcə də sahibkarlıq sahəsində təcrübə qazanmışdır.

2022-ci ildən etibarən Avrora MMC-də fəaliyyət göstərən Rinad Əliyev 2022-ci ildə layihə rəhbəri, 2024-cü ildə Satınalma departamentinin rəhbəri vəzifələrində çalışmış, 2025-ci ildən Təchizat Direktoru vəzifəsini icra edir. Eyni zamanda, İdarə Heyətinin üzvüdür.

Səmədağa Səmədzadə 1992-ci ildə Tərtər rayonunda anadan olmuşdur. Qafqaz Universitetində “Sənaye mühəndisliyi” ixtisası üzrə bakalavr təhsilini başa vurmuşdur.

İstehsalat sahəsində 12 ildən artıq peşəkar təcrübəyə malikdir. Uzunillik fəaliyyəti ərzində qənnadı, içkilər və makaron istehsalı sahələrində, istehsal proseslərinin idarə olunması və istehsalat fəaliyyətinin təşkili istiqamətlərində təcrübə qazanmışdır.

2022-ci ildən etibarən Avrora MMC-də İstehsalat Direktoru vəzifəsində fəaliyyət göstərən Səmədağa Səmədzadə istehsal proseslərinin idarə olunmasına, məhsuldarlığın artırılmasına və istehsalat fəaliyyətinin səmərəliliyinin təmin edilməsinə rəhbərlik edir. Eyni zamanda, İdarə Heyətinin üzvüdür.

Məhəmməd Şükürov 1988-ci ildə Bakı şəhərində anadan olmuşdur. Bakı Biznes Universitetində “Menecment” ixtisası üzrə bakalavr təhsili almışdır.

Satış, anbar təsərrüfatı və logistika sahələrində 15 ildən artıq peşəkar təcrübəyə malikdir. Uzunillik fəaliyyəti ərzində satış əməliyyatlarının təşkili, anbar təsərrüfatının idarə olunması və logistika proseslərinin təşkili istiqamətlərində təcrübə qazanmışdır.

2011-ci ildən etibarən Avrora MMC-də fəaliyyət göstərən Məhəmməd Şükürov 2026-cı ildən Logistika Direktoru vəzifəsində çalışaraq şirkətin logistika fəaliyyətinə rəhbərlik edir. Eyni zamanda, İdarə Heyətinin üzvüdür.