İdarə heyəti

Atamali Məmmədov 1971-ci ildə Masallı rayonunun Böyük Xocavar kəndində anadan olmuşdur. Bakı Dövlət Universitetində “Tətbiqi riyaziyyat” ixtisası üzrə bakalavr dərəcəsi almışdır.

İT sahəsində 25 ildən artıq peşəkar təcrübəyə malikdir. Peşəkar fəaliyyəti ərzində müxtəlif şirkətlərdə ERP və digər rəqəmsal sistemlərin, eləcə də İT infrastrukturunun qurulması layihələrinə rəhbərlik etmişdir.

2020-ci ildən etibarən Avrora Group-da Rəqəmsal Transformasiya Direktoru vəzifəsində çalışan Atamali Məmmədov, eyni zamanda, İdarə Heyətinin üzvüdür.

Anar Əsədov 1989-cu ildə anadan olmuşdur. Azərbaycan Dövlət İqtisad Universitetində “Mühasibat uçotu və audit” ixtisası üzrə bakalavr və magistr təhsilini fərqlənmə diplomu ilə başa vurmuşdur.

Maliyyə idarəçiliyi, strateji planlaşdırma və korporativ maliyyə sahəsində 15 ildən artıq təcrübəyə malikdir. Karyerasına 2010-cu ildə Nurgün Şirkətlər Qrupunda başlamış, 2013-cü ildə Avrora MMC-yə maliyyə meneceri kimi qoşulmuşdur.

2017–2019-cu illərdə bir sıra şirkətlərdə maliyyə direktoru vəzifəsində çalışmış, 2019-cu ildən Avrora MMC-nin, 2025-ci ildən isə Avrora Group-un Maliyyə Direktoru və İdarə Heyətinin üzvü kimi fəaliyyət göstərir.

Hazırda qrupun maliyyə strategiyasına, büdcə və maliyyə planlaşdırılmasına, investisiyaların qiymətləndirilməsinə və maliyyə risklərinin idarə olunmasına rəhbərlik edir.

Əli İbrahimov 1987-ci ildə Bakı şəhərində anadan olmuşdur. Azərbaycan Dövlət İqtisad Universitetinin (UNEC) “Marketinq” ixtisası üzrə bakalavr dərəcəsinə malikdir.
Marketinq və biznesin inkişafı sahəsində 18 ildən artıq peşəkar təcrübəyə malikdir. Peşəkar fəaliyyəti ərzində marketinq, brend və kateqoriya idarəçiliyi, kommersiya əməliyyatları və bazarın inkişafı istiqamətlərində çalışmışdır.
Karyerası boyunca brend portfellərinin idarə olunması, bazar strategiyalarının hazırlanması, distribusiya və məhsulların bazara çıxarılması, eləcə də biznesin davamlı inkişafına yönəlmiş proseslərin qurulması sahələrində geniş təcrübə qazanmışdır.
2022-ci ildən etibarən Avrora Group-da Biznesin İnkişafı və Marketinq Direktoru vəzifəsində çalışan Əli İbrahimov, eyni zamanda İdarə Heyətinin üzvüdür.

Namik Həsənov 1984-cü ildə Tbilisi şəhərində anadan olmuşdur. 2001–2005-ci illərdə Azərbaycan Dövlət İqtisad Universitetində ali təhsil almışdır.

Satış və kommersiya idarəçiliyi sahəsində 20 ilə yaxın peşəkar təcrübəyə malikdir. Karyerası ərzində satış təmsilçiliyindən rəhbər vəzifələrədək yüksələrək Satış direktoru və Kommersiya direktoru kimi fəaliyyət göstərmişdir. Peşəkar fəaliyyəti boyunca satış strategiyalarının hazırlanması, kommersiya əməliyyatlarının idarə olunması, distribusiya kanallarının inkişafı və komandaların idarə edilməsi istiqamətlərində geniş təcrübə qazanmışdır.

2025-ci ildən etibarən Avrora Group-da Satış direktoru vəzifəsində çalışan Namik Həsənov, eyni zamanda şirkətin İdarə Heyətinin üzvüdür.

Rinad Əliyev 1983-cü ildə Bakı şəhərində anadan olmuşdur. Satış və idxal sektorlarında 20 ildən artıq peşəkar təcrübə qazanmış, uzun illər sahibkarlıq fəaliyyəti ilə məşğul olmuşdur.

Rinad Əliyev hazırda Avrora MMC-də Təchizat Direktoru vəzifəsində çalışır və şirkətdə təchizat istiqamətinin idarə olunmasına rəhbərlik edir.

Səmədağa Səmədzadə 1992-ci ildə Tərtər rayonunda anadan olub. 2013-cü ildə Qafqaz Universitetinin “Sənaye mühəndisliyi” ixtisası üzrə bakalavr dərəcəsini bitirib.

İstehsalat sahəsində karyerasına başlayan Səmədağa Səmədzadə 2014-cü ildən etibarən Avrora MMC-də müxtəlif rəhbər vəzifələrdə çalışaraq qənnadı, içkilər və makaron istehsalı sahələrində geniş təcrübə qazanıb.

2022-ci ildən Avrora MMC-də İstehsalat Direktoru vəzifəsində fəaliyyət göstərən Səmədağa Səmədzadə istehsal proseslərinin səmərəli idarə olunması, məhsuldarlığın artırılması, resurslardan effektiv istifadə və istehsalat layihələrinin həyata keçirilməsi istiqamətlərinə rəhbərlik edir.

Məhəmməd Şükürov 1988-ci ildə Bakı şəhərində anadan olmuşdur. Bakı Biznes Universitetində “Menecment” ixtisası üzrə ali təhsil almışdır.
Peşəkar fəaliyyətinə 2011-ci ildə Avrora MMC-də satış üzrə mütəxəssis kimi başlamışdır. Şirkətdə müxtəlif vəzifələrdə çalışaraq satış, anbar təsərrüfatı və logistika istiqamətlərində geniş idarəçilik təcrübəsi qazanmışdır. 2025-ci ildən Anbar Təsərrüfatı Departamentinə rəhbərlik etmiş, 2026-cı ildən isə Avrora MMC-də Logistika Direktoru vəzifəsində fəaliyyət göstərir.
Məhəmməd Şükürov eyni zamanda Avrora MMC-nin İdarə Heyətinin üzvüdür.